O  grupo  municipal do BNG denunciou no día onte o que consideran unha crise sen precedentes para o sector mariñeiro de Arcade. Un crise que afecta tanto ao sector da ameixa como o da anguía. A semana pasada o grupo parlamentar do  BNG levou ao Parlamento as restricións na pesca de anguía, unha especie de gran importancia para o sector pesqueiro do fondo da ría de Vigo e que agora pasará de estár 3 meses vedada a estalo durante medio ano.

O deputado e voceiro do BNG de Soutomaior Manu Lourenzo quixo mostrar “o noso máis firme apoio ao sector do mar.  A o tempo que o PP vota no  Parlamento contra o sector da anguía e se nega a atender as demandas de paro biolóxico do sector da ameixa, vemos como a conselleira ven a Arcade a sacarse a foto”.

“Por se isto non fora pouco, e cando hai ducias de familias afectadas por unha situación sen precedentes no noso concello, a señora conselleira, non só se nega a apoiar as demandas do sector, senón que ven con esixencia, reclamandolle a cofradía que faga informes e evaluacións completas que lle corresponde á Xunta e que afogarán todavía máis a un sector que xa ten a auga o pescozo” preseguiu Lourenzo

O BNG tamén denunciou que “ante isto, Agustín Reguera,  no canto de esixir  que se atenderan unhas demandas que son vitais para as familias de Soutomaior  só  se adicase a sacarse fotos e  falar  das obras na confraría.

Manu Lourenzo sinalou que “toda a veciñanza que lle queremos a Soutomaior esiximos solucións para o sector da ameixa e que dunha vez por todas deixen de rirse da veciñanza co tema da Depuradora. Estamos fartos de tanta foto e anuncio e ningunha solución, de caras amables mentres a veciñanza sofre as consecuencias de quen pensa máis nos seus intereses e os do seu partido, que nos de Soutomaior”.